النفس الحائرة

 البوست ده لكل واحد نفسه أمارة بالسوء أو خبيثة تأمره بالغلط و تلاقي ضميره بيرقص ما بين الصح و الغلط ... مابين الحق والباطل .. ما بين الحلال و الحرام ... خلي بالك يا باشا

يعني لما الدنيا تضيق عليك شوية أو أوي و ده طبعا إمتحان و إبتلاء من رب العزة متقولش أروح أسرق أو أقتل أو أرتشي أو أجامل في حرام .. أومال فايدة الإيمان بالله أيه و الإيمان بالقدر خيره و شره أيه ... طيب مش خايف من سؤال ملكين القبر منكر و نكير أو و إنت واقف أدام الميزان يوم الحشر و شايل كتابك و ذنوبك محملة يوم القيامة ..

طب متخليك فاكر الأية دي رقم 13 من سورة الإسراء في قوله تعالى "وَكُلَّ إِنسَانٍ أَلْزَمْنَاهُ طَآئِرَهُ فِى عُنُقِهِ وَنُخْرِجُ لَهُ يَوْمَ الْقِيَامَةِ كِتَابًا يَلْقَاهُ مَنشُورًا". ... ... كلكم راع و كلكم مسئول

يا باشا لا يكلف الله نفساً إلا وسعها ... و زي ما قولت على أد الإبتلاء درجة إيمانك .. إدعي في كل صلاة بأن ربنا يهدي الحكومة و يصلح أحوال البلاد و العباد و أن يجعل بلادنا رخاءا سخاءا و سائر بلاد المسلمين و أن لا يؤاخذنا بما فعله السفهاء منا و من كل ظالم و جبار و فاسد ... و إفتكر بس إننا كلنا هنموت و هيجي يوم الحساب و سوف تسأل عن كل مثقال درة سواء بالخير أو الشر ... راجع سورة ق من أول و لقد خلقنا الإنسان و نعلم ما توسوس له نفسه و نحن أقرب إليه من حبل الوريد ...

إفتكر كما تدين تدان في نفسك و في أولادك و في أهل بيتك و في حبايبك ...

حفت الجنة بالمكاره و حفت النار بالشهوات .. خلص الكلام مافيش حاجة تتقال تاني و حضرتك حر يا باشا تقبل ما تقبلش لكن الأكيد إن على كتفك ملكين رقيب و عتيد بيكتبوا كل صغيرة و كبيرة.. و لحظة موتك هتيجي هتيجي يوم لا ينفع مال و لا بنون إلا من أتى الله بقلب سليم و ربنا يهدينا أجمعين