مص دم الغلابة

 الناس إللي بتمص دم الغلابة كل يوم في الداخلة و الخارجة سواء في شغلنا أو في بقية مصالح الناس إللي بتقدم الخدمة للجمهور إرحموا من في الأرض يرحمكم من في السماء .. متفرحوش بالقرش إللي بتجيبوه غاص بعن الناس .. الناس دي أهلنا و لولا إنهم مساكين و غلابة مكنوش عتبوها خالص لولا الحوجة ربنا ما يحوجنا لمخلوق .. عاملوهم كما تحبوا أن تعاملوا و لا تنسوا إن الله يمهل و لا يهمل .. كله سلف و دين مش عشان تعيش إنت تموتهم هما دوول أهلك و ناسك لا بدلتك إللي أنت لابسها و لاا ركوبتك إللي أنت راكبها و لاا طقم الشياكة إللي أنت لابسه و لاا الأكل الحرام إللي أنت بتأكله لأهلك هينفعك لا في الدنيا و لا في التربة و لاا في الآخرة القرش إللي بيتاخد بالعافية من قوت الناس ده إسمه سحت و حرام و هيجيلك في أهلك أو هيعذبك في قبرك غير نار جهنم و بئس المصير و ما تحججش بالغلا أمال ليه الدنيا دار إبتلاء و الناجي منها إللي بيصبر على البلاء و يعيش على أده يا إخوانا فوقوا بأة من الغيبوبة إللي بتعملوه ده إسمه في دينا فساد سواء أكل السحت أو البلطجة أو السرقة أو النصبايات أو الفايظ .. و في النهاية الله لا يصلح عمل المفسدين هتفرح بالقرش الحرام إللي بتاخده ده فرح مؤقت لأنك هتلبسه في الأخر إما مرض و إما حادثة و إما بلوة من بلاوي الدنيا فيك أو في أحب الناس إليك و يا إما هيقعدلك للأخرة عشان كل واحد ظلمته مستنيك هناك يكون ياخد حقه من حسناتك ده لو أنت عملت مرة حسنة يعني .. أيها الزميل الفاسد أكل السحت حضرتك بتمثل أصلك و عار عليك و على أهلك إللي معرفوش يربوك على الحلال و الحرام و العيب مش عليك لوحدك العيب على كل واحد مسئول عنك بالتسلسل الطبيعي لحد إللي مشغلك كله يعتبر شريك معاك في جريمتك حتى لو إدعى أنه شريف و هيتحاسب زيك و يمكن أكتر منك لأنه عارف و شايف إللي بتعمله و راضي عنه يا إما عشان بيديك جزء من إللي بيسرقه من عرق الناس و يا إما عشان بيطبلك و بيزيطك و يا إما عشان مجنده عصفور ينقلك أخبار المحترمين إللي ضدك ..يا أخي إتقي الله و عامل الناس كويس متخليهموش يحسوا بيأس و يموت عندهم الأمل و تصحي فيهم إحساس الإنتقام فيقوم يقلدك و يقول إشمعنى ما الدنيا كلها ماشية كدا يعني عملته يبأة فاسد زيك و هتشيل وزره ليوم الدين و يا إما هتلاقي إللي يدعى عليك دعوة تجيب داغك الأرض جلطة تتشل فيها حادثة تتقطع فيها سوء خاتمة و العياذ بالله .. يا جماعة كلكم راع و كلكم مسئول .. و فرحوا بالحياه الدنيا و ما الحياة الدنيا في الآخرة إلا متاع الغرور... عار علينا الدنيا تاخدنا بزينتها و نفرح بالوجاهة الإجتماعية سواء ببدلة أو عربية أو سيجارة أجنبية أو خابور حشيش أو إزازة منكر ... و إفتكروا إن فيه ملكين على كتفك واحد بيكتب كل خير إنت عملته و التاني بيكتب كل شر إنت عملته عشان تحاسب نفسك يوم القيامة ده مش أنا إللي بقول ده رب العزة سبحانه و تعالى و نبيه المصطفى صلى الله عليه وسلم إللي علمنا يعني أيه حلال و يعني أيه حرام ..و كل إنسان ألزمناه طائره في عنقه و نخرج له يوم القيامة كتاب يلقاه منشورا .. إٌقرأ كتابك كفى بنفسك اليوم عليك حسيبا .. من إهتدى فإنما يهتدي لنفسه .... و سارعوا إلى مغفرة من ربكم و جنة عرضها السموات و الأرض أعدت للمتقين .... نور حياتك موجود بين سطور أيات القرأن الكريم الأمر بالمعروف و النهي عن المنكر نور حياتك قبل مماتك إعمل إللي ينفعك في قبرك و في آخرتك إوعى تخلي الدنيا تضحك عليك و تفهمك نفسك إنك صح إو عى تكون من الذين يحسبون أنهم يحسنون صنعاً هي دي الفتنة بحد ذاتها إنك تعمل غلط و تفتكر أنه صح .. كوون قدوة لغيرك عامل الناس كماتحب أن تعامل و حط نفسك مكان إللي بتظلمه و تسرقه أكيد مش هترضاها لنفسك سهلوا على الناس عشان ربنا يسهلها عليكوا و حللوا عشان ربنا يباركلكوا في كل تفاصيل حياتكم و عيب أوي إن إحنا شغالين في مكان كل يوم بيخشله حوادث موت و مرض يعني المفروض إننا أكتر حد نتعظ من إللي بنشوفه كل يوم في حياتنا