شخصيات هاطلة

ما بين الهطل و الهيافة

و علاقة النملة بالزرافة 

غراب و بومة

و فيل بزلومة

شوية مهابيل

بيحبوا التطبيل 

في الزيطة و الهيافة

و مظاهر بطعم الكنافة 

و حوليهم نحلة و كام دبور

مصلحجية وعيشوهم الدور

يا با دوول مرضى نفسيين

و النرجسية دي طبع المجانين

ما بين السيكوترونيا و الشيزوفرونيا

و الفونيا في السكوسونيا .. أحيييه يا دونيا

ورتينا أشكال ما يعلم بيها إلا ربنا

ماشيين شمال و مطلعين عين أمنا

ميعرفوش يعني ايه عدل و لاا نار 

طول ماحواليهم الكام ندل زي التتار

و لو فكرت تنقدهم و قولت كلمة حق

ليلتك غبرة و مش تسلم م النحل و البق

إيشي فساد ده يا ناس

هيمشونا بعد كدا باللباس

يا إما نسكت و نبوس إيديهم

يا إما إحنا على الأفا إللي هنتباس

شعب فلتة إفتكاساته بس في فنون التطبيل

إتركن العلم فيه و إتهمش فطلعلنا علما مهابيل

صحاب نظرية إن الأرض مش كروية

دي بتلف و بترقص على أنفاس المساطيل

و إن يوسف مسمهوش جو و لاا ابراهيم يبقى أبو خليل

و إن التاريخ طلع مزيف والسر كله في زلومة الفيل

يا ناس العلم في الراس مش الكراس و إحنا الدليل

قارنوا بين المعلم و جعاب رانيا هتلاقونا عايشين وسط أوسخ جيل

و عجبي