أبطال الحدوتة

سويقة.. و فيها كل أنواع الناس

فيها الخاين باين.. فيها ولاد ناس

فيها عزيز النفس.. و فيها قليل الأصل اللي يحب ينداس

فيها التعبان و الغلبان و المحتاس

فيها المغرور و الصرصور و الملاس

فيها أبو تناكة و الخلبوص و الدساس

فيها المغنواتي و السيكوباتي و الغواص

فيها على كل لون من الكوسة لحد القلقاس

فيها الهايف و الزايف و البلاص

فيها الحق و العدل معمولهم عمل من وسواس خناس

فيها ناس معادن إيشي تراب و إيشي ماس

فيها اللي بيحب يلزق و يعرف يطبل زي النسناس

دايرة و بتلف.. تلزق و تشف نفس الوشوش و آخر آخرها تخلص و خلاص