النداء الأخير

 السادة فخامة الملوك و الرؤساء الصامتين

معالي السادة الوزرا أصحاب الفخامة المقندلين  

السادة الأساتذة الجهابذة  المبجلين 

السادة الأجلاء الأفاضل من ذوي المناصب  المتحنجلين

بإشارة من إيديكوا الدنيا في لحظة تتشنكل سنين

جاه و سلطان و خدم و عبيد و جبروت

يا أبناء آدم يا متحكمين في القوت

يا مثقفين.. قريتوا المكتوب في يديعوت أحرنوت

سمعتوا نتن ياهو و إلياهو و بن عميتوت

طب شوفتوا فيديوهات الذل و الموت

طب فكرتوا تكونوا مكانهم صورة و صوت

هو أنتوا مستنيين إيه.. كدا كدا جايلكوا الموت

بس بدل متموتوا أندال.. موتوا رجال

الدنيا خدعة و في ثانية بتتغير الاحوال

عيب علينا نستنى شعوب تانية تاخد أدوارنا

إحنا أولى بعزنا و عروبيتنا ننصر جيرانا

إحنا أولى نكسر شوكة الخنازير الصهاينة

هو إحنا نسينا التاريخ  دوول عالم خاينة 

و أعدوا لهم ما أستطعتم واضحة و باينة

قبل ما يفوت الأوان كفاية بأة بتنجان

أنتوا النهاردة أسياد.. بكرا في خبر كان

زي الدنيا حقيقة فانية بس لاهية الإنسان

ده يمكن يكون ليكوا إنذار أخير

إلحقوا قبل ما تتمحوا زي الطباشير

إعقولها و توكلوا بالحكمة و الضمير

إنصروا إخواننا.. إنصروا الأقصى فسيكفيكهم الله

و للمجاهدين في فلسطين أذكركم

كتب عليكم القتال وهو كره لكم وعسى أن تكرهوا شيئا وهو خير لكم

إصبروا و أبشروا بأن نصر الله قريب 

أبشروا فشهدائكم و موتاكم في الجنة

و هي خير من الدنيا و ما فيها