الأراجوزات

إلهي يقطع نفسكوا من الدنيا زي ما بتقطعوا علينا الكهربا يا بعدا..

ده دعاء معظم الناس اليومين دوول من اللي شايفينه من حلقات

الفشل العقيم و المستديم من المسئولين و مبرراتهم إللي كلها سرنجات مليانة مسكنات..

و شوية شوية بيلغوا الدعم عن التموين و العيش و البنزين  و الكهربا إلخ.. 

كل شوية أزمة تجر وراها أزمات أصعب و مش كدا و بس.. و كمان يقولوا هنخفف أحمال الكهربا ساعة..و بعدين يرجعوا في كلامهم.. شوية ساعتين و تلات ساعات أحيانا..

أزمات.. أزمات..مبقناش عارفين هما عايزين مننا ايه بالظبط زبانية جهنم دوول..

أومال الإسطوانة بتاعة حققنا الاكتفاء الذاتي في الغاز و المحروقات و محطات الطاقة و بنصدر كهربا للسعودية و الأردن و أوروبا إللي دايرين أراذلهم يصدعونا بيها على الشاشات طول الليل و النهار.. فين..!؟ 

و إحنا كصحاب البلد فين من كل ده..؟ 

طيب الخضار غلي عشان بنصدره عشان عايزين عملة صعبة قولنا نصبر.. و السكر غلتوه قولنا نصبر الزيت غلي.. قولنا نصبر

البطاطس غليت.. قاطعناها

الرز غلي.. قولنا نصبر

البيض غلي.. قولنا نبطله

كل حاجة غليت بمبرارت و حجج واهية.. يا إما مافيش عملة صعبة.. يا إما عشان عايزين عملة صعبة

حتى الفاكهة غليت عشان يصدروها  بالعملة الصعبة

قولنا نصبر نصبر لحد ما الصبر نفسه شخرلنا و مبقاش قادر يصبر و لا يكمل صبره معانا.. 

طيب أنتوا مش لاقيين حلول غوروا منها وجيبوا حد متخصص بيفهم إدارة يعرف يدورها صح ..! 

المفروض نكون زي بقيت دول العالم المحترمة نصدر الفائض بعد إكتفائنا الذاتي من مواردنا اللي أنعم علينا بيها الرحمن و لو اتبقت حاجة مافيش مانع من تصديرها طالما خير للبلاد و العباد.. 

طيب أزمة حالية زي أزمة إنقطاع  الكهربا اللي مكهربة الناس كلها و مورياها الويل في حر الصيف ..

 حلها في إستخدام الطاقة الشمسية اللي مبنستفدش منها زي دول كتير جنبنا مساحتها متجيش مَساحة محافظة مصرية.. 

وفروا للعلماء الإمكانيات انهم يحولوها لطاقة مستديمة هتوفرلكم عملة صعبة بمليارات

و لاا عشان مفيهاش أي سبوبة أو مصلحة من المواطن مستقبلا

ما خلاص أصل السياسة المفروضة علينا دلوقت هي نظام قص ما في الجيب قبل ما يكشفولنا العيب..

يظهر إن الضرايب و بقيت الجبايات من محصول المخالفات مبقتش مكفياهم و عايزين يطلعوا بأي مصلحة جديدة من جيوب الغلابة.. 

يا عالم قطع الكهربا مش خطر بس على تدمير الأجهزة الكهربائية إللي أسعارها ولعت  بس و لا على مستقبل طلبة الثانوية اللي مش عارفين يراجعوا دروسهم في أيام الإمتحانات من قطع الكهربا كل شوية و لاا على عجلة الإقتصاد و توقف المصانع عن الإنتاج إلخ.. 

المشكلة و الخطورة على الأطفال الصغيرة  اللي ميستحملوش حرارة الجو أو على صحة العالم العجوزة المسنة أصحاب الشيخوخة و بيتعذبوا في آخر أيامهم في الدنيا.. 

دوول إللي ميستحملوش موجة الحر دي من غير مروحة تهون عليهم أو موتور مية يطلع المية لسكان الأدوار العالية تهون عليهم الحر ده.. 

أو المرضى إللي على أجهزة تنفس و اللي معندهمش إمكانيات يجيبوا جنريتور..

فعلا إحنا مشفناش عذاب في حياتنا بالشكل ده إلا على ايديكوا

و لاا شوفنا كدب أو تضليل و نكد بالطريقة دي إلا على ايديكوا.. 

أنتوا أسوأ من أنجبت مصر ده إذا مكنتوش راضعين من أثداء الصهاينة أساسا أنتوا و شوية الآراجوزات إللي ليلاتي ضاربين ثاني أكسيد الترامادول عشان يسمعولنا الإسطوانة المشروخة إياها ويطلعوا يطبلولكوا و يغنولكوا على الشاشات ليل نهار و يخوفونا بفزاعة الأمن و الأمان و الإخوان والإرهاب  بس أهم حاجة إننا نصبر..

مسكنات مسكنات عشان هما يعيشوا في رفاهية مرتاحين بملاينهم أحسن أكل و احسن شرب و أحسن لبس و أحسن سكن و أحسن عربيات إلخ..

و بقية الناس بالعافية على أد دخلهم البسيط إللي بيكفيهم بالعافية و ساعات لأ و فيهم عايشين في ضنك الأوهام.. 

معادلة مختلة تماما.... 

و لما نعترض يلعبولنا بهواجس  الخوف من إللي بيحصل في السودان و غيرها من فوضى و موت و خراب ديار بسبب الصراع على السلطة و الثروات..

أي شماعة يعلقوا عليها فشلهم.. 

أومال فين مناجم الدهب و حقول البترول و الغاز و الرملة البيضا و السودة و الفوسفات و المنجنيز إلخ.. و الحياه الوردي اللي نيمتونا بيها سنين طويلة.. ولاا اتباعت زي أصول كتيرة و خربتوها و قعدتوا تولولوا على تلها.. 

إذا كان لا بد من التقشف يبقى على كل جميع المصريين مش قاصر على فئة معينة عشان نحس إننا كلنا في صف واحد ضد الظلم و الفساد.. يمكن وقتها أزمات و مشاكل كتير تتحل .. 

و أخيرا.. 

إحنا محتاجين رضا ربنا علينا عشان يباركلنا في كل حاجة..

 عايزين نتقي الله حق تقاته في كل صغيرة و كبيرة..

لازم ترجعوا تهتموا و تركزوا على تذكير الناس بتقوى الله أساس فلاح الحياه في كل زمان و مكان.. بدل الأفلام و المسلسلات الهابطه إعملوا وثائقيات عن أخلاق و معجزات الأنبياء و الرسل  عن معجزات القرأن.. اعملوا برامج تحبب الأجيال في الصلاة على وقتها و فهم القرأن.. 

 إستثمروا في الناس علموهم المفيد مش تلهوهم عن عبادة الله ببرامج الهيافة و التطبيل و اللت و العجن أو بدوريات الكورة

إفتحوا مصانع تشغل العاطلين و تنتج منتجات مصرية بخامات مصرية مأصلة تقدر ترجعلنا قيمة وطنا بين الأوطان

إفتحوا ورش في كل المدارس العيال تتعلم الشغل اليدوي و الفني أيد بأيد جنب تلقى العلم من المهد للحد.. 

 إنتبهوا أيها السادة..

الناس بتلعنكوا و بتدعي عليكم و القصة متكررة على مر العصور و نهايتها معروفة  .. 

لازم تغيروا استخدام سياسات التنكيل بحياه الناس و إشتغالهم في أكل عيشهم و كرامتهم قبل فوات الأوان ..إلهي يقطع نفسكوا من الدنيا زي ما بتقطعوا علينا الكهربا يا بعدا..

ده دعاء معظم الناس اليومين دوول من اللي شايفينه من حلقات

الفشل العقيم و المستديم من المسئولين و مبرراتهم إللي كلها سرنجات مليانة مسكنات..

و شوية شوية بيلغوا الدعم عن التموين و العيش و البنزين  و الكهربا إلخ.. 

كل شوية أزمة تجر وراها أزمات أصعب و مش كدا و بس.. و كمان يقولوا هنخفف أحمال الكهربا ساعة..و بعدين يرجعوا في كلامهم.. شوية ساعتين و تلات ساعات أحيانا..

أزمات.. أزمات..مبقناش عارفين هما عايزين مننا ايه بالظبط زبانية جهنم دوول..

أومال الإسطوانة بتاعة حققنا الاكتفاء الذاتي في الغاز و المحروقات و محطات الطاقة و بنصدر كهربا للسعودية و الأردن و أوروبا إللي دايرين أراذلهم يصدعونا بيها على الشاشات طول الليل و النهار.. فين..!؟ 

و إحنا كصحاب البلد فين من كل ده..؟ 

طيب الخضار و غلي عشان بنصدره عشان عايزين عملة صعبة قولنا نصبر.. و السكر غلتوه قولنا نصبر و الزيت غلي.. قولنا نصبر.. و البطاطس غليت.. قاطعناها عشانكوا

و لما الرز غلي.. قولنا نصبر و البيض غلي.. قولنا نبطله عشانك ا.. 

كل حاجة غليت بمبرارت و حجج واهية..

يا إما مافيش عملة صعبة.. يا إما عشان عايزين عملة صعبة.. 

حتى الفاكهة غليت عشان يصدروها  بالعملة الصعبة

قولنا نصبر نصبر لحد ما الصبر نفسه شخر لنا و مبقاش قادر يصبر و لا يكمل صبره معانا.. 

طيب أنتوا مش لاقيين حلول غوروا منها وجيبوا حد متخصص بيفهم إدارة يعرف يدورها صح ..! 

المفروض نكون زي بقيت دول العالم المحترمةنصدر الفائض بعد إكتفائنا الذاتي من مواردنا اللي أنعم علينا بيها الرحمن و لو اتبقت حاجة مافيش مانع من تصديرها طالما خير للبلاد و العباد.. 

طيب ناخد أزمة زي أزمة إنقطاع  الكهربا كل شوية اللي مكهربة الناس كلها و مورياها الويل في حر الصيف ..

حلها في إستخدام الطاقة الشمسية اللي مبنستفدش منها زي دول كتير جنبنا مساحتها متجيش مَساحة محافظة مصرية.. 

متوفروا للعلماء الإمكانيات انهم يحولوها لطاقة مستديمة هتوفرلكم عملة صعبة بمليارات

و لاا عشان مفيهاش أي سبوبة أو مصلحة من المواطن مستقبلا

ما خلاص أصل السياسة المفروضة علينا دلوقت هي نظام قص ما في الجيب قبل ما يكشفولنا العيب..

يظهر إن الضرايب و بقية الجبايات من محصول المخالفات و التراخيص و الجمارك إلخ مبقتش مكفياهم و عايزين يطلعوا بأي مصلحة جديدة من جيوب الغلابة.. 

يا عالم قطع الكهربا مش خطر بس على تدمير الأجهزة الكهربائية إللي أسعارها ولعت عي جيوب المواطنين بس و لا على مستقبل طلبة الثانوية اللي مش عارفين يراجعوا دروسهم في أيام الإمتحانات من قطع الكهربا عنهم كل شوية و لاا حتى على عجلة الإقتصاد و توقف المصانع عن الإنتاج و مسيرة التنمية إلخ.. 

المشكلة و الخطورة على الأطفال الصغيرة  اللي ميستحملوش حرارة الجو ده.. هما أو العالم المسنة اللي الشيخوخة أنهكتهم و بيتعذبوا في آخر أيامهم في الدنيا بدل أما نريحهم.. 

دوول إللي ميستحملوش موجة الحر دي من غير مروحة تهون عليهم أو موتور مية يطلع المية لسكان الأدوار العالية تهون عليهم الحر ده.. 

أو المرضى إللي على أجهزة تنفس و اللي معندهمش إمكانيات يجيبوا جنريتورات و حياتهم على المحك..

فعلا إحنا شوفنا كتير لكن مشفناش عذاب في حياتنا بالشكل ده إلا على ايديكوا

و لاا شوفنا كدب أو تضليل و نكد بالطريقة دي إلا على ايديكوا.. 

أنتوا أسوأ من أنجبت مصر ده إذا مكنتوش راضعين من أثداء الصهاينة أساسا أنتوا و شوية الآراجوزات إللي ليلاتي ضاربين ثاني أكسيد الترامادول عشان يسمعولنا الإسطوانة المشروخة إياها ويطلعوا يطبلولكوا و يرقصولكوا على الشاشات ليل نهار و يخوفونا بفزاعة الأمن و الأمان و الإخوان والإرهاب  بس أهم حاجة إننا نصبر و نستحمل..

مسكنات مسكنات عشان هما عايشين في رفاهية مرتاحين أصحاب ملايين عندهم أحسن أكل و احسن شرب و أحسن لبس و أحسن سكن و أحسن عربيات إلخ..

و اغلبية الناس عايشين بالعافية على أد دخلهم البسيط إللي بيكفيهم بالعافية اكل و فواتير بس و ساعات لأ و فيهم عايشين في ضنك الأوهام.. 

المعادلة مختلة تماما.... 

و لما نعترض يلعبولنا بهواجس  الخوف من إللي بيحصل في السودان و غيرها من فوضى و موت و خراب ديار بسبب الصراع على السلطة و الثروات..

أي شماعة يعلقوا عليها فشلهم.. 

أومال فين ثروات البلد من مناجم الدهب و حقول البترول و الغاز و الرملة البيضا و السودة و الفوسفات و المنجنيز إلخ.. فين الحياه الوردي اللي نيمتونا فيها سنين طويلة.. ولاا اتباعت زي أصول كتيرة و خربتوها و قعدتوا تولولوا على تلها.. 

إذا كان لا بد من التقشف يبقى على الكل  مش قاصر على فئة معينة عشان نحس إننا كلنا في بلد واحد ضد الظلم و الفساد..

يمكن وقتها أزمات و مشاكل كتير تتحل .. 

و أخيرا.. 

إحنا محتاجين رضا ربنا علينا عشان يباركلنا في كل حاجة..

عايزين نتقي الله حق تقاته في كل صغيرة و كبيرة..

لازم ترجعوا تهتموا و تركزوا على تذكير الناس بتقوى الله أساس فلاح الحياه في كل زمان و مكان..

بدل الأفلام و المسلسلات الهابطه إعملوا وثائقيات عن أخلاق و معجزات الأنبياء و الرسل.. عن معجزات القرأن.. اعملوا برامج تحبب الأجيال في الصلاة على وقتها و فهم القرأن.. 

إستثمروا في الناس علموهم المفيد مش تلهوهم عن عبادة الله ببرامج الهيافة و التطبيل و اللت و العجن أو بدوريات الكورة

إفتحوا مصانع تشغل العاطلين و تنتج منتجات مصرية بخامات مصرية مأصلة تقدر ترجعلنا قيمة وطنا بين الأوطان

إفتحوا ورش في كل المدارس العيال تتعلم الشغل اليدوي و الفني أيد بأيد جنب تلقى العلم من المهد للحد.. 

إنتبهوا أيها السادة قبل فوات الأوان..

الناس بتلعنكوا و بتدعي عليكم و القصة متكررة على مر العصور و نهايتها معروفة  .. 

لازم تلحقوا تغيروا استخدام سياسات التنكيل بحياه الناس و إشتغالهم في أكل عيشهم و كرامتهم قبل فوات الأوان ..

فمهما طال العمر أنتوا فانون و مصر باقية.. 

ولا يغير الله ما بقوم حتى يغيروا ما بأنفسهم