أيها السادة المواطنون.. طوبى لكم

 يا سادة البلد بلدهم شئتم أم أبيتم .. دوول مواطنين أشكيناز و إحنا السفرديم .. دوول الأسياد و إحنا العبيد... لو مش مصدقين و عايشين دور الشعارات اعملوا مقارنة في الرواتب و الدخول و الإمتيازات و مدارس و كليات و تعليم أولادهم .. اعملوا مقارنة في الخدمات الصحية و الإجتماعية ..اعملوا مقارنة و شوفوا مين الأهم في الوسايط في النوادي في المصايف في المستشفيات إلخ .. حتى لو هتطلع بطاقة أو أي مستندات حكومية أو غير حكومية و عرف نفسك كموظف أو كواحد منهم .. هنشوف الفرق وقتي ( إنت هيطلع عينك كموظف و فوت علينا بكرا و أما الباشا سوف يكرم و حاجته تخلص فوراً و مش بعيد ياخدوا معاه سيلفي بعد ما يشرب قهوته ) ... إنها الحقيقة يا سادة .. لا تخدعكم الشعارات و لا هدهدة و سحرة الإعلام دوول ساعات إن مكانش على طول يجادلوا بالباطل ليدحضوا به الحق .. و لكننا نرضى بما قسمه الله لنا .. لأننا نعرف الدنيا أخرتها أيه ... زيرو ألقاب .. زيرو رتب .. زيرو مال .. زيرو أنعام .. زيرو أهل ....كلنا في دار إبتلاء في الدنيا في المال و الصحة و الولد و حتى العمل .. كلنا فان .. و كلنا راحلون شئنا أم أبينا إلى دار الحق .. إلى يوم لا ينفع فيه مال و لا بنون إلا من أتى الله بقلب سليم ..تذكروا إن أكرمكم عند الله أتقاكم فلا تكلفوا أنفسكم فوق طاقتها .. إرضوا بما قسمه الله لكم تكونوا أسعد الناس..و تذكروا قول المصطفي صلى الله عليه وسلم ( من أصبح منكم آمناً في سربه ، معافى في جسده ، عنده قوت يومه ، فكأنما حيزت له الدنيا بأسرها ) إنها بشرى للفقراء و المستضعفين في الأرض و لكل ضمير يستعفف و لا يسأل الناس إلحافا .. لكل صاحب عزة نفس يعاني و يقول الحمد لله في السراء و الضراء ..